சிறுநீரக செயலிழப்பு

நீரிழிவு நெப்ரோபதி என்பது நீரிழிவு சிறுநீரக நோய் என்றும் அழைக்கப்படுகிறது. இது நீரிழிவைக் கட்டுப்பாட்டுக்குள் வைக்காத நோயாளிகளுக்கு பொதுவாக வரும் நோய். ஒருவருடைய உடல் இன்சுலினை பலனளிக்கும் விதத்தில் பயன்படுத்தாதபோது அல்லது இன்சுலினை உற்பத்தி செய்ய இயலாதபோது ஏற்படுகிற நிலையே நீரிழிவு நோய். உடலில் இன்சுலின் அளவு குறையும்போது மற்றும்/அல்லது உடல் இன்சுலினை எதிர்க்கும்போது, இரத்தத்தில் சர்க்கரை அளவு அதிகரிக்கிறது. இது சிறுநீரகத்திலுள்ள இரத்த நாளங்களை சேதப்படுத்துகிறது. ஏனென்றால், இரத்தத்தை வடிகட்ட சிறுநீர்க்கலங்கள் மிகக் கடினமாக வேலை செய்ய வேண்டியதாகிறது. காலப் போக்கில், அவை பழுதடைந்து வடிகட்டும் திறனை இழக்கின்றன.

சிங்கப்பூரில் சிறுநீரக செயலிழப்பு ஏற்படுவதற்கான முக்கியக் காரணம் நீரிழிவு நோயே. 67% புதிய நோயாளிகள் வர இதுவே காரணம். சிங்கப்பூரில் தற்போது 400,000 நீரிழிவு நோயாளிகள் உள்ளனர். அதிர்ச்சிகரமாக, இந்த எண்ணிக்கை 2050-க்குள் 1 மில்லியனாக உயரும் என எதிர்பார்க்கப்படுகிறது. உலகிலேயே, நீரிழிவு நெப்ரோபதியில் சிங்கப்பூர் முதலிடத்தில் உள்ளது. 3-ல் 2 நோயாளிகளுக்கு சிறுநீரக செயலிழப்பு ஏற்பட இதுவே காரணம். 3-ல் ஒருவர் தனது வாழ்நாளில் நீரிழிவு நோயைப் பெறலாம். அதில் கிட்டத்தட்ட பாதி பேர் தங்களுடைய நிலையைக் குறித்து அறியாமலும் அதனால் அதற்குரிய சிகிச்சை எடுக்காமலும் இருப்பா்.

முதலாம் மற்றும் இரண்டாம் வகை நீரீழிவு நோயாளிகளுக்கு நீரிழிவு நெப்ரோபதி வருகிறது. நீரிழிவு நோயாளிகளுக்கு உயர் இரத்த அழுத்தம் ஏற்படுவது நீரிழிவு நெப்ரோபதிக்கான மிக முக்கிய அறிகுறி. நீரிழிவு நெப்ரோபதி உள்ளவருக்கு இரத்த அழுத்தம் கட்டுப்பாட்டில் வராவிட்டால், இந்த நோய் முற்றி CKD 5 அல்லது சிறுநீரக செயலிழப்பு விரைவாக வந்துவிடும். நீரிழிவு நெப்ரோபதி குடும்ப வரலாறு உள்ளவர்கள் இந்த நிலையைப் பெறுவதற்கு அதிக அபாயம் உள்ளது.