சிகிச்சை

மாற்று சிறுநீரகம் பெற்றவர்கள், உடனேயே அதிக அளவு புரதம் உள்ள உணவு முறையைப் பின்பற்றுவது அவசியம். ஸ்டீராய்டுகள் அதிக அளவில் எடுத்ததால் உடைந்துபோன தசை திசுக்களை புதுப்பிக்க அது உதவும். என்றாலும், சிறுநீரகம் மாற்றப்பட்டு பல மாதங்களுக்குப் பின்பு ஆரோக்கியமான நபர்கள் எடுக்கும் அளவு புரதத்தை நீங்கள் எடுத்தால் போதுமானது. குணமடைய உங்களுக்கு எவ்வளவு புரதம் தேவை என உங்கள் டயட்டீஷியன் சொல்வார்.

சிறுநீரகம் மாற்றி வைக்கப்பட்டவர்கள், அது நன்றாக வேலை செய்யும் வரை பொட்டாஸியம் அளவைக் குறைக்க வேண்டியிருக்காது. என்றாலும், உறுப்பு மாற்று சிகிச்சையில் உட்பட்ட சில மருந்துகள் இரத்தத்தில் பொட்டாஸியம் அளவைக் கூட்டலாம், சில மருந்துகள் அதைக் குறைக்கலாம். அப்படி ஏற்பட்டால், உங்கள் இரத்தத்திலுள்ள பொட்டாஸியம் அளவைப் பொறுத்து உணவுப் பழக்கத்தை மாற்றிக்கொள்ளுங்கள். தவறாமல் பரிசோதிப்பது முக்கியம்.

ஆரோக்கியமான உணவு முறை, நீரிழிவுக்கான மருந்து (தேவைப்பட்டால்) மற்றும் ஒழுங்கான உடற்பயிற்சி ஆகியவை நீரிழிவு நோயாளிகளுக்கு மிகவும் முக்கியம். உங்கள் உணவுப் பழக்கத்தையும் இரத்தத்தில் சர்க்கரை அளவையும் சரியான கட்டுப்பாட்டில் வைக்க உங்கள் மருத்துவரோடும் டயட்டீஷியனோடும் சேர்ந்து செயல்படுங்கள்.

திராட்சையில் ஃபுரானோகௌமரின் என்ற ரசாயனம் இருப்பதால், மாற்று சிறுநீரகம் பெற்றவர்களுக்குப் பரிந்துரைக்கப்பட்ட மருந்துகள் பலவற்றின் வளர்சிதையை மாற்றிவிடுகிறது. அதாவது சைக்ளோஸ்பொரின், டக்ரோலிமஸ், கால்ஷியம் சேனல் ப்ளாக்கர்ஸ் மற்றும் ஸ்டாட்டின் போன்றவற்றின் வளர்சிதையை மாற்றிவிடுகிறது. எனவே, சிறுநீரகம் மாற்றி வைக்கப்பட்டவர்கள் திராட்சைப் பழத்தை எந்த விதத்திலும் சாப்பிடுவதைத் தவிர்க்க வேண்டும்.